Arghakhanchi Bulletin : The Fastest News Publisher from Nepal

नेपालमा कोरोनाबाट मृ'त्यु हुनेको संख्या ७१५ पुग्यो

   
117   पटक पढिएको

काठमाडौं । नेपालमा कोरोना भाइरसको संक्रमणबाट थप २१ जनाको मृत्यु भएको छ । यससँगै नेपालमा कोरोनाबाट मृत्यु हुनेको संख्या ७ सय १५ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै यसअघि बिहीवार कोरोनाबाट देशभर १९ जनाको मृत्यु भएको र ३ हजार ७ सय ४९ जनामा कोरोना संक्रमण पुष्टि भएको थियो ।

यसैबीच बितेको २४ घण्टामा नेपालमा थप ४ हजार ३९२ जनामा कोरोना भाइरस (कोभिड १९) संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएको जानकारी अनुसार बितेको २४ घण्टामा देशका विभिन्न स्थानमा रहेका प्रयोगशालामा गरिएका १६ हजार ५३१ नमूनाको आरटी पिसिआर परिक्षणका क्रममा थप ४ हजार ३९२ जनामा कोरोना संक्रमण पुष्टि भएको हो ।

काठमाडौंमा १ हजार ७८४, ललितपुरमा ३७४ र भक्तपुरमा २४४ जनासहित काठमाडौं उपत्यकामा मात्रै २ हजार ४०२ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको कुल संख्या १ लाख २६ हजार १३७ पुगेको छ ।

नेपालमा बितेको २४ घण्टामा थप ३ हजार ५२२ जना संक्रमणमुक्त भएका छन् । योसँगै संक्रमणमुक्त हुनेको संख्या ८८ हजार ४० पुगेको छ । यो कुल संक्रमितको ६९.८ प्रतिशत हो ।

यसैबीच हालको अवस्थामा उपचाररत संक्रमितको संख्या ३७ हजार ३८२ रहेको मन्त्रालयले जनाएको छ । तिमध्ये होम आईसोलेसनमा २५ हजार ४६ जना र संस्थागत आईसोलेसनमा १२ हजार ३३६ जना छन् । तिमध्ये ३१५ जना संक्रमितको आईसियु र ७७ जनाको भेन्टिलेटरमा उपचार भइरहेको छ ।

हाल देशका विभिन्न स्थानमा रहेका क्वारेन्टाईनमा ४ हजार ८०८ जना रहेका छन् ।

यस्तै काठमाडौंसहित, मोरङ, रुपन्देही, सुनसरी, ललितपुर, भक्तपुर, चितवन, सुर्खेत, मकवानपुर, बाँके र दाङ गरि ११ वटा जिल्लामा ५ सय बढी हालको अवस्थामा उपचाररत संक्रमित रहेको स्वास्थ्य मन्त्रालयका प्रवक्ता प्राध्यापक डाक्टर जागेश्वर गौतमले बताएका छन् ।

हिजो (शुक्रवार) नेपालमा ३ हजार ७४९ जनामा संक्रमण पुष्टि भएको थियो । ३ हजार ५६४ जना संक्रमणमुक्त भएका थिए भने १९ जनाको मृत्यु भएको थियो ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया