Arghakhanchi Bulletin : The Fastest News Publisher from Nepal

कास्कीमा बस दुर्घटना हुँदा एक जनाकाे मृत्यु भएकाे छ!

   
1006   पटक पढिएको

कास्कीको मादी गाउँपालिका वडा नम्बर १० भाचोक गहतवारीमा आज (सुक्रबार) साँझ बस दुर्घटना हुदा एक जनाको मुत्य भएको छ, भने १० जना घाईते भएका छन।

पोखराबाट भाचोक जार्दै गरेको ना ३ छ ७४३६ नम्बरको यात्रु वाहक वस भाचोक नजिकै पुगेपछि सडकको छेउको भाग भासिएर मार्दी गाँउ पालिका वडा नम्बर ९ की जनप्रतिनिधि (वडा सदस्य) पदम कुमारी नेपालीको मृत्यु भएको स्थानिय प्रदिप सुवेदीले बताए । उनका अनुसार मृतक नेपाली नेपाली काग्रेंसबाट हालै वडा सदस्यमा निर्वाचित जनप्रतिनिधि हुन।

बस दुर्घटनामा परी घाईते हुनेहरुमा वस चालक अमृत भुजेल, स्थानिय तारा नेपाली र उनको ६ महिनाको वालक, अन्य घाईतेहरुमा बिष्णु गुरुङ, गंगा गुरुङ, ज्योति गुरुङ, पुनम नेपाली, सरोज नेपाली, बिष्णु गुरुङ, समिर नेपाली रहेकाछन । उनीहरुको शरीरका विभिन्न भाग र टाउकोमा चोट लागेको स्थानिय प्रदिप सेवेदीले बताए। बस दुर्घटना हुन साथ स्थानियहरु करिब ५ मिनेटमै घटना स्थलमा पुगेर उद्धारमा जुटेका थिए । घटना स्थल पोखरा बजार देखि करिब ३ घण्टाको कच्ची सडक टाडा रहेकोले गर्दा घाईतहरुको समयमै उपचार हुन सकेन । यद्यपि प्रहरीको भने करिब दुई घण्टामा पुगेर केहि बिरामी प्रहरीकै भेनमा राखेर पोखरा ल्याएको थियो भने करिब तीन घण्टा पछि मात्र एम्बुलेन्स घटना स्थलमा पुगेको थियो । घाईतेहरुको हाल पश्चिमाञ्चल क्षेत्रिय अस्पताल र मणिपाल शिक्षण अस्पतालमा उपचार गराईने भएको छ । बस दुर्घटना करिब पौने ६ बजे तिर भएको होे । उक्त वसमा सवार वस धनि अर्जुन बराल र सह–चालक सामान्य घाईते भएको बताइन्छ ।

उक्त बस पृथ्बीराजमार्ग बस संचालक समितिबाट संचालित हो । समितिका महासचिव योगेन्द्र केसीले उक्त बस दुर्घटना भएको प्रति दुखः व्यक्त गर्दै उक्त बस दुर्घटना हुदै सवै दोषि भएको बताए । उनले भने राज्यले सडक मार्ग बनाएर छाड्छ अनि जनताले गाडी गुडाउ, व्यवसायीलाई दबाद दिन्छन सडकको अबस्था र त्यसको अनुगमन नहुदा यस्ता दुर्घटना भयको उनले बताएका छन् !

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया