Arghakhanchi Bulletin : The Fastest News Publisher

थ्रि एन्जल्स नेपालले पायो एन जि ओ लिडरसीप अवार्ड

   
648   पटक पढिएको

नविन केसी, पोखरा १० फागुन ।

नेपालबाट वर्षेनी तेश्रो मुलुकमा हुने मानव बेचविखन रोकथामका लागि सक्रीयता पूर्वक कार्य गर्दै आएको संस्था थ्रि एन्जल्स नेपालले अन्र्तराष्ट्रिय अवार्ड पाएको छ । वल्र्ड सि एस आर डे को अवसरमा भारतको मुम्बईमा यहि फेब्रुअरी १८ तारिकमा आयोजित विशेष कार्यmक्रममा संस्थाले एन जि ओ लिडरसीप अवार्ड प्राप्त गरेको थ्रि एन्जल्स नेपालले जानकारी दिएको छ । सामाजिक क्षेत्रमा कार्यरत विश्वभरका १ सय १० वटा संस्थाहरु मध्ये थ्रि एन्जल्स नेपाललाई उक्त अवार्डबाट सम्मान गरेको हो । मानव बेचविखन विरुद्धमा थ्रि एञ्जल्स नेपालले सफलतापूर्वक कार्य गरेको इकोनोमिक टाईम नाउ नामक अन्र्तराष्ट्रिय स्तरको म्यागेजिनले ठहर गरेको थियो । कार्यक्रममा थ्रि एन्जल्स नेपालका तर्फबाट संस्थाका प्रशासनिक सचिव विवेक शर्मा ढकाल, पर्वत थापा र रोशन प्रशाईँ मुम्बई पुग्नुभएको थियो ।

सो अवसरमा विश्वभरबाट सामाजिक क्षेत्रमा योगदान पुर्याउने संघ संस्थाहरुलाई विभिन्न विधामा अवार्ड वितरण गरिएको थियो । भारतको होटल ताज ल्याण्ड एन्डसमा आयोजित कार्यक्रममा संयुक्त राष्ट्रसंघ अन्र्तगत यूनाईटेड नेसन्स सष्टेनेवल डेभलपमेण्ट फण्डका प्रतिनिधि, विश्वभरका सरकारी तथा गैरसकारी क्षेत्रमा कार्यरत संघ संस्थाका विशिष्ट व्यक्तिहरुको पनि सहभागिता थियो । यसैबीच एन जि ओ लीडरसिप अवार्ड प्राप्त गरेपछि संस्थाले आज विशेष कार्यक्रम आयोजना गरी अवार्डको स्वागत गरेको छ ।

संस्थाको पोखरा लेखनाथ महानगरपालिका वडा नं १५ नयागाउँस्थित प्रधान कार्यालयमा आयोजित विशेष कार्यक्रममा संस्थाका अध्यक्ष सारदा खत्री गौतम, सचिव गणेश श्रेष्ठ, प्रमुख कार्यकारी अधिकृत डा राजेन्द्र गौतम, वित्त निर्देशक डा मदन थापा विभागीय प्रमुखहरु लगायतले उक्त अवार्ड ग्रहण गर्नुभयो । सो अवसरमा बोल्दै संस्थाका कार्यकारी निर्देशक डा गौतमले अवार्डले मानव बेचविखन मुक्त नेपाल निर्माणका लागि संस्थालाई ठूलो प्रेराणा मिलेको बताउनुभयो ।

थ्रि एन्जल्स नेपालले विभिन्न दातृ निकायको सहयोगबाट आँप्mनो कार्य निकै कठिनाईपूर्वक गरिहेको र हजारौँ व्यक्तिहरुलाई बेचविखनको चपेटामा पर्नबाट जोगाउन यो पुरस्कार देशकै लागि गौरवको विषय भएको संस्थाका अध्यक्ष शारदा खत्री गौतमले बताउनुभयो । सो अवसरमा संस्थाका सदस्य एवं कर्मचारीहरुबीच खुसीयाली साटासाट गरिएको थियो ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

विचार/ब्लग

गलबन्दी गीतको कपी राइट र जातीय विभेदको बिषयमा भर्खरै गायक प्रकाश सपुतले लेखे यस्तो मार्मिक स्टाटस

काठमाडौं । गलबन्दी गीतको कपी राइट र जातीय विभेदको बिषयमा भर्खरै गायक प्रकाश सपुतले लेखे यस्तो मार्मिक स्टाटस