Arghakhanchi Bulletin : The Fastest News Publisher

अब घरेलु कामदारहरुको पुन:श्रम स्विकृत्ती खोल्ने निर्णय,नयाँ आउनेहरुलाई प्रतिबन्ध कायम

   
275   पटक पढिएको

अब घरेलु कामदारले पुनः श्रम स्वीकृति पाउने भएका छन् । घरेलु कामदरका रुपमा प्रायः जसो नेपालबाट महिलाहरु नै विदेश पुग्छन् ।

बुधबार बसेको संसदको उद्योग तथा वाणिज्य र श्रम तथा उपभोक्ता हित समितिको बैठकले केही शर्त पुरा गर्ने घरेलु कामदारलाई नेपाल आएर विदेश फर्किन बाटो खुला गर्ने निर्णय गरेको हो । तर, नयाँ घरेलु महिला कामदारमाथिको रोक भने कायमै रहनेछ ।

समिति सदस्य कांग्रेस सांसद प्रकाश रसाइली ‘स्नेही’ले मालिक तथा रोजगारदाताबाट सम्बन्धित महिला कामदारले ‘सुरक्षित’ रहेको स्वघोषणा पत्र र सोही देशको दूतावासले पनि श्रम इजाजत नवीकरण गर्न सकिने ब्यहोरा जानकारी गराएको अवस्थामा श्रम इजाजत नवीकरण गर्न दिने गरी निर्णय गरेको जानकारी दिए । हालसम्म संसदीय समितिको निर्देशनकै कारण महिला घरेलु कामदारलाई विदेश जान प्रतिवन्ध लागेको छ ।

अब विदेशमा घरेलु महिला कामदारका रुपमा गएर फर्किनेले पनि तोएकिो कागजात र प्रक्रिया पुरा गरे सरकारबाट पुनः श्रम स्वीकृति पाउने रसाइलीले बताए । यसअघि राष्ट्रिय मानवअधिकार आयोगले पनि घरेलु कामदारलाई रोक्ने संसदीय समितिको निर्णय ‘औचित्यहीन’ भएको जनाएको थियो ।

३ वर्षअघि तत्कालीन व्यवस्थापिका संसदको अन्तर्राष्ट्रिय सम्बन्ध तथा श्रम समितिले सम्बन्धित मुलुकमा घरेलु कामदारसम्बन्धी ठोस कानून नबन्दा वा नेपालले सो देशसँग श्रम सम्झौता नगर्दासम्म घरेलु कामदार पठाउन बन्द गर्न सरकारलाई निर्देशन दिएको थियो ।

यसपछि नयाँ घरेलु कामदार जान र काम गरेर विदेशबाट फर्किएपछि पुनः सोही रोजगारदाताकोमा काम गर्न जान पनि रोक लगाइएको थियो । यो व्यवस्थाका कारण राम्रो रोजगारी माया मार्न नसकेर करिब डेढ लाख महिला घरेलु कामदार स्वदेश फर्किन नपाएको अनुमान छ । यसका कारण विदशेमै नेपाली घरेलु कामदार बन्दी जस्तो जीवन बिताइरहेका थिए।

अब समितिले सरकारलाई निर्देशन दिएपछि श्रम मन्त्रालयले वैदेशिक रोजगार विभागलाई घरेलु कामदारको पुनः श्रम स्वीकृति खोल्न निर्देशन दिनेछ । त्यसलगत्तै काम छोड्न नचाहेका नेपाली घरेलु कामदार नेपाल फर्किन पाउनेछन्

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

विश्व समाचार

नेपाली जनसम्पर्क समिति कुवेतको तेस्रो अधिवेशन सम्पन्न, सभापतिमा राजेन्द्र बिरही

कुवेत lनेपाली जनसम्पर्क समिति कुवेतको तेस्रो अधिवेशन सम्पन्न, सभापतिमा राजेन्द्र बिरही

विचार/ब्लग

विगतको इतिहास भन्दा वर्तमानको यथार्थलाइ सुधार्दै जनताको आर्शिवाद सिरोधार्य गरीयोस्: नेत्र मरासिसिनी

नेत्र मरासिनी,सन्धिखर्क। विगतको इतिहास भन्दा वर्तमानको यथार्थलाइ सुधार्दै जनताको आर्शिवाद सिरोधार्य गरीयोस्: नेत्र मरासिसिनी