Arghakhanchi Bulletin : The Fastest News Publisher from Nepal

सिंगापुरबाट आएको विमानका यात्रुलाई ओर्लिन दिइएन, उतै फर्काउने तयारी

   
763   पटक पढिएको

काठमाडौं । सिंगापुरबाट यात्रु लिएर काठमाडौंस्थित त्रिभुवन अन्तर्राष्ट्रिय विमानस्थलमा ओर्लिएको सिल्क एयरको विमानका यात्रुहरुलाई बाहिर निस्किन रोक लगाइएको छ ।

होर्लिन पाउनुपर्ने माग गर्दै यात्रुहरुले हवाईजहाजभित्रै नाराबाजी गरेका छन् । सो हवाईजहाज शनिबार राति करिब साढे ८ बजे अवतरण गरेको थियो । तर, सो हवाईजहाजबाट यात्रुहरु ओर्लिन पाएका छैनन् । सो हवाईजहाजमा एक जना नेपाली मूलका विदेशी नागरिक पनि छन्, उनी नेपालले कोरोना रोकथामका लागि प्रतिबन्ध लगाएको देशका भएकाले हवाईजहाजमा रहेका सबै यात्रुहरुलाई बाहिर निस्कन नदिइएको हो ।

‘अवतरण नगर्न भन्दाभन्दै इन्धन सकिएको भन्दै पाइलटले अवतरण गराए,’ विमानस्थल स्रोतले भन्यो । सो हवाईजहाजलाई के गर्ने भन्ने निर्णय हुन बाँकी छ । सम्भवतः तेलमात्र भर्न दिएर हवाईजहाजलाई उतै फर्काइने स्रोतले बतायो । सोही हवाईजहाजबाट सिंगापुर जानका लागि १६० जना यात्रुहरुले बोर्डिङ पाससमेत लिएका छन् । उनीहरुले पनि केहीबेर होहल्ला गरेका थिए ।अहिले भने उनीहरुलाई होटलमा लगेर राखिएको छ ।

यो पनि पढ्नुहोस

प्रतिबन्ध उल्लंघन गर्दै ६१ नेपाली काठमाडौं आइपुगे, क्वारेन्टाइनमा पठाइयो नेपाल सरकारले घोषणा गरेको प्रतिबन्ध उल्लंघन गर्दै यसअघि विदेशी विमान कम्पनीहरुले ६१ जना नेपालीलाई काठमाडौं ल्याएका थिए ।

अध्यागमन विभागकाअनुसार थाइ एयरवेजले ४९ र एयर इण्डियाले १२ जना नेपालीलाई त्रिभुवन अन्तर्राष्ट्रिय विमानस्थलमा ल्याएका हुन् । उनीहरुलाई खरिपाटीस्थित नेपाल विद्युत प्राधिकरणको तालिम केन्द्रस्थित क्वारेन्टाइनमा पठाइएको छ ।श्रोत अनलाइन खबर 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया