अर्घाखाँची। पछिल्लो समय कोरोना संक्रमितलाई लक्षित गरेर स्वास्थ्य किट सहयोग गर्दै आईरहेको हाप्सा नेपालले  भुमिकास्थान  नगरपालिकामा पनि सहयोग गरेको छ । खिल्जि असुरकोट सेवा समाजको समन्वयनमा भुनपा,  वार्ड नम्बर - ६ र रामकोट भगवति सरोकार समाजको संयुक्त  माग बमोजिम उक्त किटहरु प्रदान गरिएको हो ।

अक्सोमिटर,  थर्मोमिटर,  सेनिटाईजर,  माक्स,  भिटामिन c , d,  सिटामोल,  जिवनजल, जिङ्क ट्यापलेट लगायत सामानहरु समाबेस गरि,  संक्रमित एक परिवारलाई यि सबै सामान राखिएको एक झोला प्रदान गरिने छ ।कोरोना संक्रमित भै घरमै आईसोलेसनमा बस्दै आउनु भएका बिरामीले प्राप्त गर्ने यो किट बिरामिका लागि निकै उपयोगी रहेको  कुरा खिल्जी असुरकोट सेवा समाजका सचिव प्रकाश दाईले बताउनुभयो ।

हाल २० परिवारलाई लक्षित गरी २० झोला सहयोग गरिएता पनि संक्रमितको बढ्दो अवस्थालाई मध्यनजर गरी थप सहयोग गर्न सकिने कुरा हाप्सा नेपालका अदक्ष्य पंकज भट्ट्राईले बताउनु भयो ।

आज  प्रदान गरिएको उक्त सहयोग सामाग्री रामकोट भगवति सरोकार समाजका अदक्ष्य प्रेम नारायण बेल्बासे र खिल्जी  असुरकोट सेवा समाजका सचिव  प्रकाश दाइले संयुक्त रुपमा ग्रहण गर्नुभएको थियो ।अबको एकदुई दिनमै यि किटहरु भुमिकास्थान - ६  वार्ड कार्यलयबाट ,  भुमिकास्थान - ५ र ६ का संक्रमितहरुले प्राप्त गर्नेछन् ।