मुटुमा समस्या देखिएपछि पूर्वयुवराज पारस शाह अस्पताल भर्ना भएका छन् । केही असहज भएपछि शाहलाई शुक्रबार मण्डिखाटारस्थित ह्याम्स अस्पताल भर्ना गरिएको हो ।

पारसको स्वास्थ्य अवस्था हाल सामान्य रहेको अस्पतालका निर्देशक डा. ज्योतिन्द्र शर्माले जानकारी दिएका छन् । उनलाई २४ घन्टा सुपरिवेक्षणका लागि भर्ना गरिएको उनले बताए । 

शाहको यसअघि पनि मुटुमा समस्या देखिएको थियो । त्यसबेला उनको मुटुमा आइसिडी राखिएको थियो । 

पारसलाई भेट्न पूर्वराजा ज्ञानेन्द्र शाह दम्पती र पारसपत्नी पूर्वयुवराज्ञी हिमानी शाह अस्पताल पुगेका छन् ।