रुपन्देही । नेपाल मुस्लिम संघको १६ औं स्थापना दिवसको अवसरमा मदरसामा अध्यनरत बिद्यार्थी हरुलाई स्टेसनरी सहित खाद्यान्न वितरण गरिएको छ । 

नेपाल मुस्लिम संघले आज देशभर आफ्नो १६ औं स्थापना दिवस विभिन्न सामाजिक कार्यहरु गर्दै मनाई रहेको छ । 

यसैबिच मुस्लिम संघ लुम्बिनी प्रदेशले पनि उक्त स्थापना दिवसलाई रुपन्देहीको बुटवलमा रहेको रजा-ए मुस्तफा जामे मस्जिदमा करिब ३० जना बिद्यार्थीहरुलाई अत्यावश्यक स्टेसनरी समानहरु सहित खाद्यान्न वितरण गरेको प्रदेश सचिव सबर मियाँले बताएका छ्न ।

खाद्यान्न वितरण कार्यक्रममा मुस्लिम संघका केन्द्रिय उपाध्यक्ष अहमद हुसेन , केन्द्रिय सदस्य  सफातुल्लाह मुसलमान , लुम्बिनी प्रदेश उपसभापति सम्सुदिन मियाँ संघका नेता रजप मियाँ , मस्जिदका मौलाना मदरसाका शिक्षक लगाएत स्थानीयहरुको उपस्थिति रहेको थियो । 

कार्यक्रम लुम्बिनी प्रदेशका सभापति जाकिर हुसेनको अध्यक्षता र सचिव सबर मियाको संचालनमा सम्पन्न भएको हो ।