प्रेमनारायाण आचार्य,सन्धिखर्क। अर्घाखाँचीको शितगंगामा अरिंगालको टोकाइबाट एक महिलाको मृत्यु भएको छ। 

शितगंगा नगरपालिका-३, ठाडा पदमीकी २१ वर्षीया रोमा सारुको मृत्यु भएको जिल्ला प्रहरी कार्यालय अर्घाखाँचीका प्रमुख प्रहरी नायव उपरीक्षक मुकुन्द रिजालले जानकारी दिए।

बुधबार दिउँसो गाई चराउन गएकी उनलाई अरिंगालले टोकेको थियो। अरिंगालको टोकाइबाट उनी गम्भीर घाइते भएकी थिइन्। 

सारुको उपचारका क्रममा बिहीबार देवदह मेडिकल कलेजमा मृत्यु भएको जिल्ला प्रहरी कार्यालय अर्घाखाँचीले जनाएको छ।