अशोख खनाल ,सन्धिखर्क। अर्घाखाँची जिल्ला स्थित संघिय प्रदेश कार्यालय तथा स्थानीय तह संग छलफल तथा अन्तरक्रिया कार्यक्रम सम्पन्न भएको छ ।

आइतबार अर्घाखाँचीको  डिभिजन बन कार्यालयको सभाहलमा आयोजित कार्यक्रममा मुख्य मन्त्री मन्त्री परिषद कार्यालयका शाखा अधिकृत महेश्वर घिमिरेले  कार्यपत्र प्रस्तुत गर्दै अधिकार र कार्यसम्पादनमा रहेका अस्पटता , साझा र एकल अधिकारका बिषयमा ( कार्यान्वयन हुन बाकी),आयोजना संचालनमा देखिएका समस्या समाधान ,तिनवटै तहबाट कार्यन्वन हुने कार्यक्रम तथा आयोजना , प्रदेशले गर्नुपर्ने मुलभुत कार्यहरु ,तहगत समन्वय तथा सहकार्य हुन नसक्नुका कारणहरु,कार्यसम्पादनमा रहेको दोहोरोपन, तहगत जिम्मेवारीको कार्यन्वयन ,प्रदेश सरकारले सम्पन्न  गरेका उदाहरणिय कार्यहरु ,आयोजना संचालनमा देखिएका समस्या समाधानका लागी गर्नुपर्ने कार्यहरू , तिनैतह बाट कार्यन्वयन हुने कार्यक्रम तथा आयोजना  लगायतका विविध सबालहरुमा छलफल गरिएको थियो ।
 
कार्यक्रममा लुम्बिनी प्रदेश योजना आयोगका उपाध्यक्ष माननिय डा.नहकुल केसी , जिल्ला समन्वय समितिका प्रमुख जिबनारायण कोइराला ,बन तथा बाताबरण मन्त्रालयका सचीव उद्वब बहादुर घिमिरे ,सन्धिखर्क नगरपालिकाका नगरप्रमुख कृष्ण प्रसाद श्रेष्ठ ,, प्रमुख जिल्ला अधिकारी कमलराज ढकाल ,भौतिक पुर्बाधार बिकास मन्त्रालयका महाशाखा प्रमुख भिमार्जुन पान्डे,जिल्ला स्थित शुरक्षा निकायका प्रमुखहरु , जिल्ला स्थित सम्पुर्ण कार्यालयका प्रमुखहरु , मुख्य मन्त्री तथा मन्त्री परिषदमा कार्यरत उपसचिव तथा शाखा अधिकृतहरु पत्रकार महासंघका अध्यक्ष लगायतको उपस्थित रहेको थियोे ।

कार्यक्रम प्रमुख जिल्ला अधिकारी कमलराज ढकालको अध्यक्षता शाखा अधिकृत महेश्वर घिमिरेको स्वागत मन्तव्य तथा मन्त्री परिषदका  शाखा अधिकृत टेकराज भट्टराईको संचालनमा सम्पन्न भएको थियो ।