पूजा केसि अर्घाखाँची ।सन्धिखर्क ग्रिन ईङ्गलिस बोर्डिङ्ग स्कुल सन्धिखर्क २ चुत्राबेसीको १७  १७ औं वार्षिकोत्सब ,अभिभावक दिवस तथा पुरस्कार वितरण कार्यक्रममा आज (सुक्रवार) सम्पन्न भएको छ । कार्यक्रमको एक समारोहका बिच सन्धिखर्क नगरपालीका शिक्षा शाखा प्रमुख मन्जु आचार्यले सरस्वतिको फोटामा माल्यापर्ण संगै दिप प्रज्ज्वलनगरी उद्घाटन गनुभयो ।

उद्घाटन कार्यक्रममा मनतब्य राख्दै आचार्यले शिक्षक बिद्यार्थी र अभिभाबकको त्रिकोणात्मक सम्बन्ध राम्रो भएमा मात्रै शिक्षामा आमुल परीवर्तन गर्न सकिने भन्दै शिक्षा र स्वास्थ्यनै सामाजीक बिकाशको मुख्य मेरुदण्ड भएको बताउनुभयो । आचार्यले हरेक गतिबिधिमा बिद्यालयले उत्कृष्टता हासील गरेकोमा बिद्यालय परीबारलाई बधाई सहित धन्यवाद ज्ञापन गर्नुभयो । आचार्यले नगरका सबै बिद्यालयहरुको बिकासमा नगरपालीकाले सक्दो सहयोग गर्ने प्रतिबद्धता पनि व्यक्त गर्नुभयो ।

बिद्यालय व्यस्थापन समितिका अध्यक्ष डिलाराम भुसालको अध्यक्षता,बिद्यालयका पुर्ब व्यवस्थापन समितिका अध्यक्ष नेत्र प्रसाद भुसालको स्वागत मनतव्य र सहायक प्रिन्सिपल नारायण भुसालको सञ्चालनमा सम्पन्न कार्यक्रममा बिद्यालयका कम्पनी रजिष्टर अध्यक्ष हुमा बन्जाडे, सन्धिखर्क २ नम्वर वडाअध्यक्ष मोतिजंग रायमाझी,पाणिनि बहुमुखि क्याम्पसका प्रमुख बुद्धिराम भुसाल,जनज्योति माबिका प्राचार्य माधवप्रसाद आचार्य,अर्घाखाँची आबाशिय माबिका प्रिन्सिपल चोपनारायण बन्जाडे,बिद्यालयका पिटिए अध्यक्ष तुल्सी खनाल,पत्रकार महासंघका सचिव बिनोद गैरे,बिद्यार्थीद्धय आशिका खड्का र आशिका बंन्जाडेलगायतले शुभकामना मनतब्य राख्दै बिद्यालयको उज्वल भबिश्यको कामना ब्यक्त गर्नु भयो ।

प्रिन्सिपल टेकबहादुर थापाले बिद्यालयकाको वार्षिक प्रतिबेदन सार्बजनिक गर्नु भएको कार्यक्रममा शैक्षिक सत्र २०७९ मा बिभिन्न बिधामा उत्कृष्टता हासील गर्ने छात्रछात्राहरुलाई पुरस्कार बितरण समेत गरीएको थियो । कार्यक्रममा बिद्यार्थीसंगै शिक्षिकाहरुले गित तथा नृत्य प्रस्तुत गरी उपस्थित सबैलाइ मनोरञ्जन समेत प्रदान गराउनु भएको थियो ।

२०६३ सालमा स्थापित बिद्यालयमा हाल १ हजार बिश जनाभन्दा धेरै बिद्यार्थी अध्ययनरत रहेका छन भने ४४ जना शिक्षक शिक्षिकाहरु कार्यरत रहेको बिद्यालयका सहायक प्रिन्सिपल नारायण भुसालले बताउनुभयो । बिद्यालयमा अहिले प्रि मन्टेश्वरी कक्षा देखि १० कक्षा सम्म अध्यापन भइरहेको छ ।